Magazine பொது செய்தி - General

மதுக்கூரில் பிரமாண்ட பேரணி

டிசம்பர் 22, 2019, மதுக்கூர் முஸ்லீம் ஜமாஅத் மற்றும் முஸ்லீம் அமைப்புகள் ஒன்றுசேர்ந்து  , மத்திய அரசு சி.ஏ.ஏ மற்றும் என்.ஆர்.சி அமல்படுத்தப்படுவதைக் கண்டித்து , நமது  இந்தியாவின் எதிர்காலத்திற்காக, இந்து முஸ்லீம் ஒற்றுமைக்காக, இந்தியாவின் மதச்சார்பின்மைக்காகவும், முஸ்லிம்களின் பாதுகாப்பிற்காகவும், அமைதியான பேரணியை நடத்தினர்.

இந்த பேரணி மதுக்கூர் பெரிய பள்ளிவாசல்  இருந்து தொடங்கி  மெயின் ரோடு  வழியாக சென்றது. பெண்கள் மற்றும் குழந்தைகள் உட்பட ஏராளமான மக்கள் ஆர்வத்துடன் பங்கேற்றனர்.

இந்த நிகழ்வை நடத்துவதற்கான ஏற்பாடு மற்றும் முயற்சிகளில் ஈடுபட்டவர்களை  இந்திய மற்றும் வெளிநாட்டில்  உள்ள மதுக்குரியர்கள்  முழு மனதுடன் பாராட்டினர். நம்  சமூகத்தின் அனைத்து விவகாரங்களிலும் இந்த ஒற்றுமையை வெளிப்படுத்தவேண்டும்  என்று கருத்துகளை பகிர்ந்தனர்.

ஊர்வலம் கடந்து செல்வதைப் பார்த்தால், சுதந்திரப் போராட்ட காலத்தில் ஆர்ப்பாட்டங்கள் எப்படி உணர்ந்திருக்கும் என்பதை நாம் கற்பனை செய்து பார்க்க முடிந்தது. குரல்கள், வீரியம் மற்றும் தேசியக் கொடிகள் உயரமாக பறந்து கொண்டிருந்தன.

காவல்துறையின் உதவியுடன் போக்குவரத்து மாற்றியமைக்கப்பட்டது, அவர்களின் ஆதரவிற்கும் நன்றி.

பேரணி முழுவதும்,  அதிரை  எக்ஸ்பிரஸ் ஃபேஸ்புக் பக்கம் மூலமாக  ஆன்லைனில் நேரடியாக ஒளிபரப்பப்பட்டது. அவர்களுக்கும் நன்றி.

கருத்து தெரிவியுங்கள்