கவிஞன் - by Janab KNM Mohamed Ismail

மதுக்கூரில் நடக்கும் திருமண வைபவங்களை பற்றி திருவள்ளுவர் என்னிடம் கனவில் வந்து சொன்ன திருமணத்துப்”பா”..

மதுக்கூரில் நடக்கும் திருமண வைபவங்களை பற்றி திருவள்ளுவர் என்னிடம் கனவில் வந்து சொன்ன திருமணத்துப்”பா”..
———————–

“கற்க கசடற நபிவழியை கற்றபின் 
திருமணத்தை நடத்துக அதற்குத் தக ..”

” யாகவராயினும் உடல் காக்க திருமணத்தில் பிரியாணி சாப்பிடாமல் இருப்பதே நன்று .”

” எப்பொருள் யார் யார் வாங்கிக்கொண்டு பெண் பார்க்க சென்றாலும் ..
மேரி பிஸ்கட்டை தவிர வேறு எதுவும்  கிடைப்பது அரிது …. “

 “உடுக்கை இழந்தவன் கைபோல ஆங்கே  திருமணத்திற்கு அழையாவிடில்  முறிந்திடுமே நட்பும் உறவும் ….. “

” கல்யாணத்தில் சுவை இல்லா பிரியாணி கொடுத்தே கொல்கின்றார் …ஆதலினால் மாந்தரெல்லாம் நெய்சோறு தேடி அலைகின்றார் .. “

” மணமுடிக்க முன்னாலே பெண் பேசி வைப்பது நன்றன்று என்பர் …
தம்ருட்டு  நானாகத்தான் வாங்கி கொடுத்தே தன் சொத்தை இழப்பர்… “

” பச்சை போடுதல் என்ற  பழக்கமும் ஒன்று உண்டு ….
தன் இச்சைக்கு செலவினங்களை கூட்டிவிட்டுக் எடுத்திடுவார் பெண்டு ….. “

 ” நன்றி மறப்பது நன்றன்று …
மாப்பிள்ளைக்கு பெரும் பசியாற கேட்டு இன்னல் தரும் மணமகன் வீட்டாரை அன்றே மறப்பது நன்று. “

” மணப்பெண்ணை விட தன்னை அலங்கரித்துக் கொள்வர் பெண்கள் ..
அஃதில்லையேல் திருமணத்திற்கு செல்வதையே தவிர்த்து தவிப்பர். “

 “பிறவிப் பெருங்கடல் நீந்துவார் நீந்தார் 
கொழுந்தியா இல்லாத வீட்டில் பெண் எடுத்தோர் …. “

” குஸ்கா என்பர் ,கட்டுச்சோறு என்பர் , கஞ்சி சோறு என்பர் ….
இவை எல்லாம் திருமண மண்டபத்தில் பிரியாணிக்கு இட்ட பெயர்  … “

” பால்குடம் கொடுத்தல் என்றதொரு பழக்கம் ஒன்றுண்டு ..
பெண்டிருக்கு மட்டுமே  புரோட்டா கறி கொடுப்பர் இது நன்றன்று . “

” நல் பொருத்தம் கண்டு மணமுடித்த  நிலையதனை மாற்றி..
பொருள், பொன் பார்த்து மணமுடித்து வாடுகின்றார் பலர் தூற்றி. “

 ” தொட்டதற்கெல்லாம் சீர் கேட்கும் ஆண் விட்டார் …..
சீர் கெட்ட  செயல் இது என்பதை என்று உணர்வர் … “

 ” குறை கூறி புது பெண்ணை கொடுமை செய்யும் மாமியார் நாத்தனார் . .. 
இறை கோபத்திலிருந்து மீள்வதென்பதறிது. “

” துன்பமும் துயரமும் கொண்டு துவள்வர் …
தன் நிலை தாண்டி ஆடம்பர திருமண செலவு செய்தவர் . “

குறிப்பு …..
இந்த பதிவு கொஞ்சம் சிரிப்பதற்காக ..
நிறைய சிந்திப்பதற்காக ….
நமது ஊர் திருமண நிகழ்வுகளில் ….
அனாவசிய  செலவுகளும்,வீண் விரயங்களும் குறைக்கப்பட வேண்டும்,
தவிர்க்கப்பட வேண்டும்..
சிந்திப்போம்..செயல்படுவோம்.
செயல்படுத்துவோம்..

கருத்தாக்கம் …
KNM.முகம்மது இஸ்மாயில் .
மதுக்கூர் .
01.01.2021

கருத்து தெரிவியுங்கள்