இறைவா …..

இறைவா …..

உலகப் படைப்பாளனே…….

அகிலத்தின் தலைவனே ……

மனிதர்களை மன்னிக்கும் மகத்துவமிக்கவனே…

நெருப்பு நாட்களுக்குள் எங்களை பயணிக்க  வைத்திருக்கிறாய்…..

கொரோனா என்னும் கொடும் நோய் …

கொத்துக் கொத்தாய் மடியும் மனித உயிர்கள் ..

மருத்துவர்களே மாண்டு போகும் பரிதாபம் ..

வாட்ஸ்அப்பும் முகநூலும் மரண அறிவிப்பு பலகைகளாய்  மாறிவிட்ட  அவலம்…

நோயின் கொடூரம் ஒருபுறம் ….

சிகிச்சை கிடைக்காத நெருக்கடி மறுபுறம் …

ஆக்சிஜனும் மருந்துகளும் பற்றாக்குறை வேறொரு புறம் ….

பொருளாதாரத்தில் மந்த நிலை ….

பொறுத்துக்கொள்ள இயலாத வறுமை அலை .

பயத்தில் உறைந்து போன மக்கள் …

உறக்கம் தொலைந்துபோன ராத்திரிகள்..

மறக்க முடியாத உறவுகளின் மரணம் …

இறைவா …..உலக படைப்பாளனே …..

இத்தனை கஷ்டங்களை எங்களுக்குள் ஏன்  விதைத்தாய் ?…

இந்தக் கொடிய நோய் நீ எங்களுக்கு தந்த படிப்பினையா ?..அல்லது தண்டனையா ?

படிப்பினை என்றால் கற்றுக்கொள்கிறோம்.

தண்டனை என்றால் ஏற்றுக் கொள்கிறோம் .

மருத்துவர்களுக்கு எல்லாம் மருத்துவன் நீயே.

மாண்பிற்ககுரிய உன்னிடமே யாம் சரணம் …..

உலக மக்களுக்கு உயிர்ப்பிச்சை கொடு …

கொடும் நோய் இதனை கொத்தோடு பிடுங்கி  எடு …..

எங்கள் அவல குரல்களுக்கு அபயக் கரம் நீட்டு.

உன் ஒருவனையே முழுமையாக நம்பி உறுதியோடு காத்திருக்கிறோம் ….

K.N.M.முகம்மது இஸ்மாயில் .
மதுக்கூர் ..
21.05.21